Stjórnun verkefnisins

Fornleifastofnun Íslands stendur að fornleifarannsóknum á Þingvöllum í umboði Þingvallanefndar en einnig munu fara fram rannsóknir á völdum vorþingsstöðum víðs vegar um landið 2002-2006. Þingvallanefnd veitir aðstöðu á vettvangi á Þingvöllum fyrir mælinga- og uppgraftrarfólk, og sér um kynningu á rannsóknum á staðnum. Fornleifastofnun, Háskóli Íslands, Þjóðminjasafn, University of Bradford, og landfræðideild City Univ. of NY veita aðstöðu til úrvinnslu og rannsókna. Adolf Friðriksson og Sigurður Líndal eru verkefnisstjórar rannsóknarinnar. Adolf ber ábyrgð á framkvæmd verksins í heild, og hefur faglega umsjón með vettvangsvinnu og fornleifafræðilegum þætti rannsóknarinnar. Sigurður hefur faglega umsjón með heimildarannsóknum og réttarsagnfræðilegum athugunum.  Hið íslenska bókmenntafélag hefur umsjón með útgáfu rannsóknanna.