Börnin leita fornmuna á Þingvöllum
14 börn á aldrinum 6-12 ára komu ásamt foreldrum sínum í Fornleifaskóla barnanna í Prestakrók á Þingvöllum sunnudaginn 20.júní. Prestakrókur er við Drekkingarhyl
og þar hafa landverðir reist búðarveggi að hætti fornmanna. Þar var forðum markaður þar sem verslað var með varning af ýmsu tæi. Krökkunum var kynnt saga staðarins og hvernig fornleifafræðingar bera sig að við uppgröft. Því næst fengu þau fornleifaskeiðar og hófu uppgröftinn. Í búðunum sem landverðirnir hafa gert er að finna ýmsa muni eins og leirkerabrot, dýrabein, steina úr vegghleðslum og gamla mynt. Vart mátti á milli sjá hvort foreldrar eða börn skemmtu sér betur. Þá fengu börnin að skrá niður og teikna munina sem þeir fundu að hætti fornleifafræðinga undir leiðsögn landvarða
Fornleifaskóli barnanna verður á hverjum sunnudegi fram yfir verslunarmannahelgi milli 13 og 16.
