Fræðsluerindi um Ófeig Jónsson málara frá Heiðarbæ
Fimmtudaginn 2. apríl verður fjórði og síðasti 
fræðslufundur Sögufélags Árnesinga á þessum vetri. Þá mun Þóra Kristjánsdóttir fræðimaður á Þjóðminjasafni Íslands fjalla um Ófeig Jónsson (1770-1843) málara frá Heiðarbæ í Þingvallasveit.
Þóra hefur stundað rannsóknir á íslenskri myndlist á 16., 17. og 18. öld um árabil og hefur m.a. ritað bókina Mynd á þili um það efni.
Fundurinn verður haldinn í Fræðslumiðstöðinni á Þingvöllum (rétt við útsýnisskífuna á Hakinu þar sem gengið er niður í Almannagjá) og hefst kl. 20:30. Hann er öllum opinn og kaffiveitingar verða seldar á staðnum.
