Koparlóð finnst við þingvallakirkju
Á lokadegi fornleifauppgraftrar vestan við Þingvallakirkju í
morgun fann Margrét Hallmundsdóttir fornleifafræðingur koparlóð í gólflagi við stoðarstein.
Lóðið vegur 252 gr og er með hanka til að hengja það upp í vigt. Lóðið hefur að öllum líkindum verið notað í viðskiptum í búð þessari sem 
Margrét hefur undanfarnar vikur unnið í. Öskulög benda til þess að búðin sé eldri en 1500 en nánari aldursgreining á gjósku og gólflagi mun koma fram síðar.
Næstu daga hefst jarðvinna við suðurhlið kirkjunnar sem fer fram undir vökulu eftirliti fornleifafræðings.
Vinna við stétt og tröppur að kirkjunni hefst næstu daga.
