Símasambandslaust við þjóðgarðinn og norðurhluta Þingvallasveitar
Í dag kom upp eldur á Hótel Valhöll sem breiddist hratt út. Hótelgestir og starfsfólk komust út og mesta mildi þykir að enginn hafi slasast. Þrátt fyrir mikinn viðbúnað slökkviliðs og annarra viðbragðsaðila brann hótelið alveg til grunna.
Vegna brunans er símasambandslaust við þjóðgarðinn og norðurhluta Þingvallasveitar. Símstöðin fyrir svæðið var staðsett í einni burst hótelsins og varð strax sambandslaust. Vonast er til að samband verði komið á sem fyrst.
