Kirkja konungs í síðustu fimmtudagskvöldgöngu sumarsins
Í síðustu fimmtudagskvöldgöngu sumarsins mun sr.Kristján Valur Ingólfsson sóknarprestur á Þingvöllum ræða um samspil konungsvalds og kirkjunnar þjóna á Þingvöllum 1541 – 1798. Í gönguferðinni ræðir hann hvernig konungsvaldið birtist í aðkomu kirkjunnar að þinghaldi á Þingvöllum á umræddum tíma.
Gönguferðin hefst við fræðslumiðstöðina klukkan 20:00 og eru allir velkomnir. Gengið verður um þingstaðinn forna og lýkur gönguferðinni í Þingvallakirkju með kvöldbæn.
