FRAMKVÆMDIR HEFJAST VIÐ NÝJAR SNYRTINGAR
Framkvæmdir eru hafnar við nýjar snyrtingar við 
fræðslumiðstöðina á Hakinu. Snyrtingarnar verða í tveimur byggingum sem standa vestast á bílastæðinu.
Í byrjun sumars verður annað húsið tekið í notkun og bætast þá við 9 salerni til viðbótar við þau 6 salerni sem eru þegar í fræðslumiðstöðinni.
Í upphafi næsta árs verður lögð lokahönd á verkið þegar seinna húsið með 9 salernum verður tengt og frágengið. Með því verða snyrtingar við fræðslumiðstöðina 24 og veitir ekki af enda er ferðamannafjöldi mikill allt árið um kring á Þingvöllum. Vegna sérstakra aðstæðna á Þingvallasvæðinu er beitt ítarlegri hreinsun en tveggja 
þrepa hreinsun og öllu frárennsli beint í gegnum hreinsistöð sem tryggir að engin mengunarefni í skólpi skili sér út í umhverfið.
Arkitektastofan Gláma Kím hannaði byggingarnar og byggingaverktaki er GJ.hús og um jarðvinnu sér Kolbeinn Sveinbjörnsson frá Heiðarási í Þingvallasveit.
