Góð stemning í gönguferð
Þingvellir skörtuðu sínu fegursta í fyrstu þriðjudagskvöldgöngu sumarsins
þegar Skúli Skúlason rektor háskólans á Hólum fjallaði um þróunarsögu bleikjunnar í Þingvallavatni.
Hann ræddi um mismunandi afbrigði bleikjunnar en útskýrði einnig mjög vel hvaða stöðu Þingvallavatn
hefur meðal vatna á jörðinni og hvað það er sem greinir það frá öðrum stöðuvötnum.
Gestir fóru heim mjög ánægðir
eftir fallega og uppbyggilega kvöldstund á bökkum 
Þingvallavatns.
Þjóðgarðurinn býður upp á kvöldgöngur á þriðjudagskvöldum þar sem fjallað er um náttúru Þingvallasvæðisins og á fimmtudagskvöldum
þar sem saga og menning eru til umfjöllunar. Hægt er að kynna sér dagskrá þjóðgarðsins hér.
