Vaskir sjálfboðaliðar vinna við stígagerð í þjóðgarðinum
Hópur erlendra sjálfboðaliða frá BTCV vinna nú við stígagerð í þjóðgarðinum.
Verkefnið sem hópurinn vinnur að er göngustígur frá Valhallarreitnum upp á gjábarminn við göngubrú niður í
Almannagjá. Eftir að Hótel Valhöll brann opnaðist ný
leið niður Hallinn að þingstaðnum forna. Áður en hótelið brann þá var stígurinn fáfarinn vegna þess að hann lá inn í bakgarð hótelsins en nú fara mun fleiri stíginn og þarfnast hann verulegra endurbóta.
Sjálfboðaliðarnir koma frá nokkrum löndum Bandaríkjunum, Þýskalandi, Englandi og Frakklandi en sjálboðaliðar frá BTCV hafa unnið um áraraðir á Íslandi í þjóðgörðum og friðlýstum svæðum.
