Unnið að stétt og tröppum við Þingvallakirkju
Í tilefni 150 ára afmælis Þingvallakirkju 2009 var ákveðið að fara í gagngerar endurbætur innan og utandyra.
Nú er unnið við stétt og tröppur og er það lokaáfangi utan við kirkju. Stéttin er lögð úr söguðu grágrýti sem gefur slétta en fallega áferð en markmiðið með framkvæmdunum er að bæta aðgengi að kirkjunni.
Verkið er unnið af Kolbeini Sveinbjörnssyni frá Heiðarási í 
Þingvallasveit og stefnir hann að því að stéttin og tröppur verði tilbúnar 17.júní en þá verður hátíðarguðsþjónusta þar sem Biskup Íslands, Herra Karl Sigurbjörnsson predikar.
