Fluguveiðinámskeið á Þingvöllum

Þingvallanefnd og Veiðikortið ehf. standa fyrir Fluguveiðinámskeiði á Þingvöllum sunnudaginn 27. júní.
Skráning fer fram hér á www.veidikortid.is og er þátttökugjald aðeins kr. 3500.- Leiðbeinandi verður Guttormur P. Einarsson.
Mæting er í fræðumiðstöðina á Þingvöllum (fyrir ofan Almannagjá) kl. 16.00 en þar verður fyrirlestur um lífríki og lifnaðarhætti vatnafiska, ætisleit, árstíðarbundin áhrif sem og nálgun veiðimanna og veiðiaðferðir með flugustöng. Einnig verður farið yfir veiðistaði, útbúnað og fleira.
Eftir fyrirlesturinn verður farið niður að vatni. Gengið verður inn á Lambhaga og veitt, en einnig verður í boði kynning á stöðum sem krefjast minni göngu (Vatnskot og fleiri staðir).

Veiðimenn geta keypt sér snæðing í þjónustumiðstöðinni en boðið verður upp á kaffi og kleinur á fyrirlestrinum. Veiðimenn þurfa að taka með sér útbúnað til fluguveiða sem og vöðlur.  Formlegu námskeiði lýkur um kl. 21.00 og veiðimenn geta þá haldið áfram veiðum að vild.
Athugið að til þess að taka þátt þarf að skrá sig hér á vefnum og greiða þátttökugjaldið.
Smella hér til að panta!

Til baka Senda grein Prenta greinina