Umferðartafir vegna malbikunar á Þingvallavegi dagana 13 og 14.júlí
Á vef Vegagerðarinnar kemur fram að í dag þriðjudaginn 13. júlí og á morgun miðvikudaginn 14. júlí er fyrirhugað að vinna við malbikun á Þingvallavegi frá Skeggjastöðum að Hringvegi við Mosfellssveit. Malbikunin mun hefjast á milli kl. 8 og 9 og á henni að vera lokið síðdegis á fimmtudag. Þrengingar verða meðan á framkvæmd stendur og verður tímabundin truflun á umferð.
Framkvæmdir standa yfir við tvöföldun Hringvegar (1) í Mosfellsbæ, frá Hafravatnsvegi að Þingvallavegi.
Nokkuð víða er unnið að vegavinnu og yfirlögnum á slitlagi með tilheyrandi lausamöl og steinkasti.
Vegagerðin beinir þeim tilmælum til vegfarenda að aka varlega um vinnusvæðin og virða merkingar um hámarkshraða.
