Veðrið á Þingvöllum 11,9°C SSA 1 m/s.
22. júní 2021

Gestastofa hlýtur BREEAM vottun

Gestastofa þjóðgarðsins á Haki hlaut fullnaðarvottun BREEAM (Building Research Establishment Environmental Assessment Method) á dögunum. Byggingin sem er staðsett upp við útsýnispallinn ofan Almannagjár fullyrðir því skilyrði um minni umhverfisáhrif byggingarinnar. 

Fullnaðarvottunin staðfestir að byggingin uppfyllir staðla um vistvæna hönnun samkvæmt alþjóðlega viðurkennda vottunarkerfinu BREEAM. Engar athugasemdir eða frávik komu fram og fékk Hakið þrjár stjörnur af fimm mögulegum og var endanlegt skor 59,9% - “Very Good" - eins og að var stefnt. Þjóðgarðurinn þakkar Framkvæmdasýslu ríkisins og Eflu fyrir samstarfið. Í vottuninni er lagt mat á marga mismunandi þætti svo sem:

-  Umhverfisstjórnun á byggingar- og rekstrartíma
-  Góða innivist sem tekur m.a. til hljóðvistar, inniloftgæða og lýsingar
-  Góða orkunýtni og vatnssparnað
-  Val á umhverfisvænum byggingarefnum
-  Úrgangsstjórnun á byggingar- og rekstrartíma
-  Viðhaldi vistfræðilegra gæða nánasta umhverfis
-  Lágmörkun ýmis konar mengunar frá byggingu t.d. er varðandi frárennsli og ljósmengun

Markmið BREEAM vistvottunar er að hanna og byggja byggingar sem hafa minni umhverfisáhrif, eru heilsusamlegri fyrir notendur og þurfa minna viðhald en hefðbundnar byggingar.