Veðrið á Þingvöllum 11,4°C NNA 1 m/s.

Þrívíddarlíkön lagfærð

Tvö þrívíddarlíkön sem eru til sýnis í gestastofu á Haki og í þjónustumiðstöð á Leirum hafa verið fjarlægð vegna viðhalds.  Annað líkanið nær yfir vatnasvið Þingvallavatns en stærra líkanið sýnir landslag frá Reykjavík yfir Þingvallasvæðið að Gullfossi Geysi og Hveravöllum.

Bæði módelin er mjög mikið notuð af leiðsögumönnum og gestum þjóðgarðsins.  Hluta ársins eru þau höfð utandyra og nýtast vel gestum þjóðgarðsins.

Líkönin eru gerð af Sigurði Halldórssyni módelsmið á Laugarvatni sem rekur fyrirtækið Módelsmíði ehf.  Sigurður hefur smíðað líkön um langt árabil af landsvæðum á Íslandi en einnig líkön sem seld eru erlendis.

Það er mikil handavinna sem fylgir viðhaldi en líkönin eru pússuð, fyllt í sprungur sem myndast hafa, fjallatoppar bættir og allt líkanið endurmálað.  Reiknað er með að líkönin verði komin tilbaka í lok janúar.