Veðrið á Þingvöllum 11,4°C NNA 1 m/s.

Nýtt innheimtukerfi á bílastæðum.

Þann 1. júlí næstkomandi verður innleitt nýtt kerfi til innheimtu bílastæðagjalda fyrir gjaldskyld bílastæði þjóðgarðinum á Þingvöllum. Um er að ræða samstarfsverkefni við fyrirtækið Computer Vision sem hefur þróað myndavélaeftirlit og sjálfvirka innheimtukerfið myParking.is. Kerfið tengist meðal annars ökutækjaskrá Samgöngustofu og greiðslukortalausnum. Kerfið ber skráningarnúmer þeirra bíla sem yfirgefa Þingvelli saman við greiðslur í greiðsluvélum og á myparking.is. Greiðsluvélar verða áfram á bílastæðum þar sem gestir geta greitt fyrir bílastæði. Starfsfólk þjóðgarðsins verður einnig á staðnum til að aðstoða gesti eftir þörfum.