Veðrið á Þingvöllum 11,4°C NNA 1 m/s.

Fimmtudagskvöld á Þingvöllum Skarphéðinn Njálsson lifandi goðsögn

Guðni Ágústsson fyrrv. landbúnaðarráðherra leiðir fimmtudagskvöldgöngu í Þjóðgarðinum á Þingvöllum fimmtudaginn 7 júlí n.k. og hefst gangan upp á Hakinu kl 20,00.

Guðni mun segja frá hetjunni Skarphéðni Njálssyni persónu hans og örlögum í Njálu. Karlakór Kjalnesinga mun syngja Öxar við ána við upphaf göngunnar,Álfu vorrar yngsta land á Lögbergi og Skarphéðinn í brennunni við göngulok við gafl Þingvallakirkju.

Gangan tekur ca. eina og hálfa til tvær klukkustundir.  Allir eru velkomnir í gönguna og gott ef Njáll,Flosi og Skarphéðinn verða ekki með í för því Ásatrúarmenn í fullum skrúða munu leiða gönguna.