Veðrið á Þingvöllum 3,5°C SSV 5 m/s.
1. apríl 2021

Gos í Skjaldbreið (aprílgabb)

Uppfært 

Fréttin hér fyrir neðan var gerð til að fagna 1.apríl og er alger uppspuni frá rótum. Sápugerðartrukkurinn á myndinni var tæknitrukkur ljósleiðaraverktaka sem er að störfum í Þingvallasveit og sápuþrýstidælur eru loftræstingin í gestastofu á Haki. Þökkum góðar viðtökur og viðbrögð og njótið páskanna.

Þjóðgarðurinn á Þingvöllum mun í samvinnu við umhverfis- og auðlindaráðuneytið standa fyrir dyngjugosi á toppi Skjaldbreiðar kl. 14 í dag.  
 

Verkefnið hefur verið lengi í vinnslu en eftir að gos hófst í Geldingadölum á Reykjanesi fyrir tveimur vikum var settur aukinn kraftur í verkefnið. Enda varð snemma ljóst að álag ferðamanna yrði  mun meira á Reykjanesi en yfirvöld á svæðinu ráða við.  Með verkefninu verður reynt að dreifa álagi ferðamanna á mismunandi gosstöðvar en undanfarnar vikur hafa þúsundir gesta heimsótt gosstöðvarnar í Geldingadölum með tilheyrandi álagi á samfélag, náttúru og innviði.

Glöggir gestir á ferð um Þingvallasvæðið hafa tekið eftir reykjarbólstrum í kringum topp Skjaldbreiðar undanfarna daga en það eru tilraunir sem gefið hafa góða raun.
Glöggir gestir á ferð um Þingvallasvæðið hafa tekið eftir reykjarbólstrum í kringum topp Skjaldbreiðar undanfarna daga en það eru tilraunir sem gefið hafa góða raun.

Í verkefninu er  gamalkunnri íslenskri aðferð beitt sem hefur verið  þróuð áfram með nýjustu tækni og vísindum.  Við loftmyndatúlkun við rætur Skjaldbreiðar fannst þurr holur kvikugangur sem nær yfirborði.  Það hefur svo verið staðfest með segulmælingum að hann tengist beint í  toppgíg Skjaldbreiðar.  Niður í þennan gang  verður magnesíum ríkri sápu dælt niður undir háum þrýstingi sem er svo fylgt eftir með ólivinþóleit bættri kjarnasápu með háu fituinnihaldi.   Samruni sápu við kviku kemur af stað gosi samkvæmt útreikningum sérfræðinga Jarð- og náttúrvesenissviðs Veðurstofu Íslands.  Niðurdæling hefur staðið yfir í vikunni en samkvæmt útreikningum á gos að hefjast eftir hádegi í dag um kl 14.00.  Búast má við að gos standi fram eftir degi en ef að þétt sápan finnur virkan sofandi kvikugang getur gosið dregist á langinn.  

Sérútbúinn háfjallatrukkur flytur sápudælurnar á vettvang en mikið magn af sápu þarf til.
Sérútbúinn háfjallatrukkur flytur sápudælurnar á vettvang en mikið magn af sápu þarf til. 

Hrafntinna Bergsdóttir sérfræðingur á Jarð- og náttúrvesenissviði Veðurstofunnar varar við að koma nær þar sem þrýstingurinn getur orskaðað nýjar sprungur,  gúlpa og gengjur á svæðinu nærri Skjaldbreið.   Ekki er talin hætta á jarðskjálftum þar sem sápan mýkir jarðskorpuhreyfingar á svæðinu. 

Ef verkefnið heppnast vel má búast við að því verði framhaldið við aðrar þekktar dyngjur landsins til að skapa nýja ferðamannasegla víða um landið.    

Skjaldbreiður er ein þekktasta dyngja landsins sem markar sjóndeildarhringinn til norðausturs frá Þingvöllum.   Besta og öruggasta útsýnið að gosstöðvunum er frá Gestastofunni á Haki þar sem innviðir eru nægir til að taka á móti fjölda gesta, fjöldi bílastæða og salerna bíða. 

Dælubúnaður fyrir sápuna í háfjallatrukknum.

Dælubúnaður fyrir sápuna í háfjallatrukknum.