Gjaldtaka á bílastæðum

Bílastæðagjald er þjónustugjald sem er ætlað að standa undir kostnaði þjóðgarðsins við rekstur og þjónustu bílastæðanna. Heimild til töku bílastæðagjalda byggir á reglum Þingvallanefndar um gestagjöld vegna afmarkaðra bílastæða innan þjóðgarðsins á Þingvöllum.

Fólksbifreið (5 manna eða færri) 750 kr.
Fólksbifreið (6-8 manna) 1000 kr.
Hópferðabílar (19 manns eða færri) 1800 kr.
Hópferðabílar (20 manns +) 3500 kr.

Þjónustugjald er innheimt á afmörkuðum bílastæðum á Þingvöllum.

Á P1 bílastæði á Hakinu við efra enda Almannagjár en þar er Gestastofa þjóðgarðsins, í öðru lagi á nokkrum bílastæðum við enda Almannagjár (P2) þar sem göngustígurinn kemur niður úr Almannagjá að Efrivöllum og í þriðja lagi á Valhallarplani (P5).

Umhverfis- og auðlindaráðuneytið staðfesti nýja gjaldskrá fyrir þjónustugjöld á Þingvöllum þann 29. júní 2018 sjá hér.

Gjaldið veitir heimild til að leggja bifreið þann dag sem greitt er. Eitt gjald er fyrir öll bílastæði.  

Greiðslukerfi á Haki byggir á myndavélaeftirlitskerfi sem keyrir saman númeraplötur bíla við númeraskrá Samgöngustofu. Þegar ekið er burt eru númerin borin saman við greiðslukerfið í þjóðgarðinum. Greiðsluvélar eru innanhúss í gestastofu og á salernum á við gestastofu á Haki.  Einnig eru greiðsluvélar við bílastæði við Valhallarreitinn P5 og við bílastæðið neðan við Öxarárfoss P2. Einnig er hægt  að greiða á https://www.checkit.is/

Til að fá nánari upplýsingar eða til að koma ábendingum á framfæri, vinsamlega sendið fyrirspurnir á reikningar@thingvellir.is eða thingvellir@thingvellir.is. Þá er einnig hægt að hafa samband við skrifstofu þjóðgarðsins s. 552-1730.

Kort af bílastæðum í þinghelgi

Í og við þinghelgina þar sem þingstaðurinn forni stóð og er mest heimsótta svæði þjóðgarðsins eru tekin þjónustugjöld. 
Þjónustugjöldin renna í viðhald, umhirðu og snjómokstur í og við bílastæðin, þ.m.t. salerni.