Veðrið á Þingvöllum -2,3°C NNA 1 m/s.

Gjaldtaka á bílastæðum

Þjónustugjald er innheimt á afmörkuðum bílastæðum á Þingvöllum.  
Á P1 bílastæði á Hakinu við efra enda Almannagjár en þar er Gestastofa þjóðgarðsins ; 
í öðru lagi á nokkrum bílastæðum við enda Almannagjár (P2) þar sem göngustígurinn kemur niður úr Almannagjá að Efrivöllum og í þriðja lagi á Valhallarplani (P5) .

Bílastæðagjald er þjónustugjald sem er ætlað að standa undir kostnaði þjóðgarðsins við rekstur og þjónustu bílastæðanna. Heimild til töku bílastæðagjalda byggir á reglumÞingvallanefndar um gestagjöld vegna afmarkaðra bílastæða innan þjóðgarðsins á Þingvöllum.

Umhverfis- og auðlindaráðuneytið staðfesti nýja gjaldskrá fyrir þjónustugjöld á Þingvöllum þann 29. júní 2018 sjá hér.

Gjaldskrá: Einkabíll 750 kr. 
Fyrir jeppa/hópferðarbíla fyrir 8 farþega eða færri: 1000 kr
Fyrir hópferðarbíla fyrir 19 farþega eða færri: 1800 kr
Hópferðarbíla fyrir 20 farþega eða fleiri 3500 kr.

Gjaldið veitir heimild til að leggja bifreið þann dag sem greitt er.

Sett verður upp sjálfvirkt myndavélaeftirlitskerfi sem keyrir saman númeraplötur bíla við númeraskrá Samgöngustofu. Þegar erkið er burt eru númerin svo borin saman greiðslukerfið í þjóðgarðinum og myParking.is. Gjaldvélar verða á bílastæðum og innanhús í þjónusturýmum þar sem við á.

Til að fá nánari upplýsingar eða til að koma ábendingum á framfæri, vinsamlega sendið fyrirspurnir á  thingvellir@thingvellir.is  eða hafið samband við skrifstofu þjóðgarðsins s. 552-1730.