Bæjarlækurinn
Bæjarlækurinn er lækjaruppspretta sem var vatnsból Svartagilsbæjarins. Lækurinn á upptök sín við brekkuræturnar vestan bæjarins og rennur fram hjá rústahól nokkrum – sem kallast Tunga – gegnum túnið og sameinast loks lækjunum úr Svartagili og Klömbrugili innan við bæjarhlaðið. Vatnsleiðslur frá síðustu áratugum eru sjáanlegar við lækinn.
Bæjarlækurinn í frumheimildum
Ónefndur heimildarmaður segir svo í ódagsettri örnefnaskrá Svartagils:
„Uppspretta er við brekkuna hjá rústunum. Úr henni rennur Bæjarlækurinn (29).“