Rannsóknir og vöktun

Thingvallavatn2
Þjóðgarðurinn á Þingvöllum er uppspretta margra rannsókna og vaktana. Sumar gerðar í styttri tíma í senn en aðrar lengri. Þó nokkrar lúta að menningarminjum, aðrar á lífríki á landi eða í vatni, jarðfræði og loks ferðamönnum.

Fornleifarannsóknir

Fornleifarannsóknir á Þingvöllum hafa að mestu tengst þingstaðnum forna og tilraunum til að skilgreina, staðsetja og skilja þær rústir sem þar er að finna. Mun minna hefur verið unnið að skrásetningu og rannsókn minja fyrir utan hann og annarsstaðar í þjóðgarðinum fyrr en á allra síðustu árum.

Mikið verið fjallað um Þingvelli út frá 13. aldar lýsingum í Íslendingasögum um Þingvelli og þá er rétt eins líklegt að höfundar fjalli um Þingvelli eins og þeirra þekking er á staðnum. Enn þó skal ekki horfa framhjá því að söguleg geymd er sterk og rétt eins líklegt að lýsingar íslendingasagna á Þingvöllum séu nokkuð nærri lagi.

Hér má kynna sér helstu áherslur í fornleifarannsóknum og uppgreftri í þjóðgarðinum.

Þingvallavatn

Þingvallavatn er eitt mest rannsakaða vatn Íslands. Til að fá nánari upplýsingar er tengjast vöktun Þingvallavatns má fara hingað á samstarfssíðu þjóðgarðsins.