Gagnheiði

Gagnheiði kallast heiðin milli Botnssúlna og Ármannsfells. Hún nær frá hæðunum vestan Svartagils langleiðina að Krókatjörnum og liggur að mestu innan þjóðgarðsins á Þingvöllum. Gagnheiði er að mestu gróðursnauð ef frá eru taldir örfáir blettir í hinum mörgu skorningum er einkenna heiðina. Tvö gil bera nöfn við suðurenda Gagnheiðar og kallast Súlnagil og Krókagil.

Forn þjóðleið, Gagnheiðarvegur, lá um Gagnheiði frá Skorradal og Lundarreykjardal til Þingvallasveitar.

Guðmann Ólafsson. (1982). Afréttur Þingvellinga. Athugasemdir og viðbætur [Guðrún Þóra Guðmannsdóttir skráði]. Örnefnastofnun Íslands.

Jón Sigurðsson, Jóhannes Arason, Elísabet Einarsdóttir, & Guðný Helgadóttir. (1983). Mosfellsheiði og nágrenni Þingvalla [Guðrún Þóra Guðmannsdóttir gekk frá handriti]. Örnefnastofnun Íslands.

Kristján Jóhannsson. (e.d.). Örnefni í Hrauntúnslandi og afrétti Þingvallahrauns [Óbirt efni]. Örnefnastofnun Íslands/Þjóðgarðurinn á Þingvöllum.

Pétur J. Jóhannsson. (e.d.). Þingvallaþankar og lýsing eyðibýla. Örnefnastofnun Íslands.

Þorsteinn Bjarnason. (e.d.). Afréttur Þingvallasveitar. Örnefnastofnun Íslands.

1. Ármannsfell
2. Botnssúlur
3. Gagnheiðarvegur
4. Krókagil
5. Súlnagil