Jólamessa á jóladag

Á jóladag klukkan 14 verður jólamessa í Þingvallakirkju. 

Það er sr. Kristín Þórunn Tómasdóttir, sóknarprestur í Skálholtsprestakalli sem þjónar fyrir altari og prédikar. Bjarni Frímann Bjarnason leikur á nýtt orgel sem er vígt við athöfnina. 

Nýtt orgel verður vígt en um er að ræða glæsilegt 40 ára gamalt pípuorgel sem leysir eldra harmóníum-orgel af hólmi. Nýja orgelið var að stórum hluta fjármagnað af minningarsjóði Guðbjargar Einarsdóttur frá Kárastöðum sem og öðrum velunnurum Þingvallakirkju. 

Mælst er til þess að kirkjugestir leggi við bílastæði á Flosaplani (P4) eða Valhöll (P5).