Sláttubrekkur
Sláttubrekkur eru brekkur vestan Svartagils. Þær eru eiginlegt framhald Brúsastaðabrekkna og mun nafnið vera dregið af slægjum Svartagilsbænda. Hér má finna margar kjarrtorfur og neðan þeirra er mýrlendi.
Sláttubrekkur í frumheimildum
Kristján Jóhannsson frá Skógarkoti, síðar bóndi á Gjábakka og Mjóanesi, segir svo í örnefnaskrá sinni um Svartagilsland sem rituð var í kringum 1980–1985:
„Þar fyrir austan er vatnsmikið gil Hrútagil (17), en lækurinn flæmist oft um alla bakka en endar svo niður á Leirum. Þar austar eru Sláttubrekkur (18) og Sláttugil (19) og erum við komin aftur að túninu við Svartagil.“