Ketilhöfði

Ketilhöfði er hæð austur af Hríshöfðum og norðan Litlu-Hellishæðar. Efst á honum er Ketilhöfðaklettur.

Ásgeir Jónasson frá Hrauntúni segir svo í grein sinni Örnefni í Þingvallahrauni í Árbók Hins íslenzka fornleifafélags 1937–1939:

„Lægð lítil er við vesturenda Hellishæðar; fyrir vestan hana er Litla-Hellishæð (50), dálítill hóll með vörðubroti; sunnan undir henni, niður á Brún, er klettahóll, sem heitir Þorkelsklettur (51). Norðvestur frá Litlu-Hellishæð er stór, sundurtættur klappahóll, sem heitir Ketilhöfðaklettur (52).“

Kristján Jóhannsson frá Skógarkoti, síðar bóndi á Gjábakka og Mjóanesi, svarar spurningalista (í kringum 1980–1984) sem starfsfólk Örnefnastofnunar samdi upp úr örnefnalýsingu Ásgeirs Jónassonar:

„25. Hvernig er Ketilhöfðaklettur? En Ketilhöfði? Hvernig er hann? Er vitað af hverju þessi nöfn eru dregin? Ketilhöfði er í austur og ofan við Hríshöfða. Allhár höfði vel gróinn að grasi og viði. Efst er stórgerður klettur klofinn austur vestur og hefur ef til vill verið skjól heyskaparfólki.“

Ásgeir Jónasson. (1939). Örnefni í Þingvallahrauni. Árbók Hins íslenzka fornleifafélags 1937-1939, 147–161.

Kristján Jóhannsson. (e.d.). Örnefni í Þingvallahrauni. Svör við spurningum [Óbirt efni]. Örnefnastofnun Íslands/Þjóðgarðurinn á Þingvöllum.

Pétur J. Jóhannsson. (e.d.). Þingvallaþankar og lýsing eyðibýla. Örnefnastofnun Íslands.

1. Hríshöfðar (Höfðar)
2. Ketilhöfðaklettur