Bergmál - Tónleikar á Þingvöllum 20. júní

Þingvellir laugardaginn 20. júní - upplýsingar

Fyrirhuguð er stór tónlistarhátíð á Þingvöllum þann 20. júní. Hátíðin hefst klukkan 11:00 á litla sviðinu á Valhallarreit. Kl.14:00 hefst dagskrá á stærra sviði, Dynbergi, á völlunum skammt frá Öxarárfossi og stendur þar yfir til miðnættis. Af þeim sökum verður nokkur röskun á hefðbundinni starfsemi í þjóðgarðinum. Hér fyrir neðan má nálgast helstu upplýsingar varðandi aðgengi gesta.

Fyrispurnir berist á  tónleikahaldara bergmalconcert@gmail.com.

Dagskrá viðburðar má nálgast á Key to Iceland.

-         Þingvallavegur (36)

Hefðbundin opnun fram til 15:00, bæði til austurs og vesturs.

Eftir 15:00 verður veginum lokað til austurs á mótum Þingvallavegar (36) og Grafningsvegar efri (360). Einnig verður vegalokun til vesturs á mótum Þingvallavegar (36) og Lyngdalsheiðarvegar (365) við Miðfell.

Eftir kl 15:00 fer enginn í átt til Þingvalla í gegnum vegalokanir nema að vera með pantað bílastæði og miða á tónleikana. Skimað verður eftir staðfestri pöntun á bílastæði á Þingvöllum. Gestir eru beðnir um að hafa bílastæðapöntun sýnilega og tilbúna við vegalokanir.

Aðrar vegalokanir innan þjóðgarðsins

-         Vallavegur (361)

Lokað verður suður eftir Vallavegi (361) niður í þinghelgina fyrir almenna umferð, frá morgni til miðnættis.

Rútur með almenna ferðamenn geta ekið niður eftir Vallavegi til að sækja farþega, sem hleypt hefur verið út á Hakinu og ganga þaðan niður að Flosagjá/Peningagjá (P4), fram til kl.15:00. Þaðan er rútunum ekið í einstefnu til austurs eftir Vallavegi (361) meðfram Þingvallavatni og út úr þjóðgarðinum. Þessari einstefnu verður lokað klukkan 15:00 fyrir allri umferð annarri en þeirri sem tengist tónleikahaldi.

-         Efrivallavegur (362)

Lokaður fyrir allri umferð annarri en þeirri sem tengist tónleikahaldi.

-         Valhallarvegur (363)

Lokaður.

Uxahryggjavegur (52)

Opinn til kl. 15:00, en eftir það verður hörð vegalokun við Skógarhóla.

Eftir kl 15:00: Vegamót Þingvallavegar (36), Uxahryggjavegar (52) og Vallavegar (361): Föst lokun.

Eftir klukkan 15:00 verða bílar sem koma á tónleikana og eiga stæði á Leirum að koma austan/um Lyngdalsheiði / þjóðvegi frá Grímsnesi.

Í lok tónleikanna verða allir bílar á Leirum að aka á brott til austurs um Lyngdalsheiði/Selfoss/Hellisheiði. 

Eftir klukkan 15:00 verða gestir sem eiga bílastæði á Brúsastöðum/Tæpastíg að koma úr vestri frá Reykjavík, eða um Grafning ef ekið er af Suðurlandi. Í lok tónleika aka þeir gestir allir til vesturs til Reykjavíkur, eða um Grafning á Suðurlandið.

-         Hak

Bílastæði á Haki (P1) verða nýtt fyrir almenna gesti þjóðgarðsins og rútur eins lengi og pláss leyfir fram til kl 15:00. Ef bílastæðin á Haki fyllast geta gestir keyrt á tjaldsvæðið á Nyrðri-Leirum og fengið þar far með rútu niður á Þingvelli.

Engir tónleikagestir á einkabílum leggja við Hakið. 

-         Kastalar og Fossplan (P2)

Lokað.

-         Langistígur (P3)

Lokað.

-         Flosaplan (P4)

Opið fyrir rútur ferðaþjónustuaðila í þeim tilgangi að sækja almenna farþega fram til kl. 15:00.

-          Valhöll (P5)

Lokað.

Rútuferðir til Þingvalla

Gestir sem ferðast til Þingvalla með rútum koma inn að gestastofunni á Haki, þaðan sem þeir ganga um 20 mínútna leið niður á hátíðarsvæðið. Rútur aka burt að tónleikum loknum frá sama stað.

Syðri – Leirar og Fagrabrekka (aðkoma að austan)

Frá Leirum er hægt að ganga að tónleikasvæðinu eftir Fögrubrekku eða fá rútuskutl. Gönguleiðin er um 20-30 mínútur og liggur eftir fagurri, birkivaxinni hlíð.

Tæpistígur (aðkoma að vestan)

Bílastæðin við Tæpastíg eru staðsett við Þingvallaveg (36) rétt áður en ekið er niður að tjaldsvæðinu á Leirum. Frá Tæpastíg er rútuskutl inn að Haki og þaðan er gengið niður á tónleikasvæðið.

Brúsastaða-bílastæði (aðkoma að vestan)

Ekið er fram hjá afleggjaranum að bænum Brúsastöðum. Eftir rúmlega 1 km er beygt inn á bílastæði.  Bílastæðin er staðsett nálægt veginum rétt áður en ekið er yfir Öxará. Gestir á þessu bílastæði verða ferjaðir í rútum inn að gestastofunni við Hakið og þaðan er gengið niður á tónleikasvæðið.

BERGMÁL á ÞINGVÖLLUM leggur áherslu á gott aðgengi fyrir alla.

Gestir sem þurfa sérstaka aðstoð eða afmörkuð útsýnissvæði eru hvattir til að hafa samband við skipuleggjendur fyrirfram á: bergmalconcert@gmail.com

Fyrir hreyfihamlaða:

• • Aðgengileg salerni
  • Aðgengispallar við aðalsvið
  • Sérmerkt aðgengissvæði
  • Sérmerkt aðgengileg bílastæði
  • Aðgengilegir inngangar við Hakið og Dynberg hjá Leirum

Almennir miðar veita aðgang að öllum almennum svæðum hátíðarinnar og tónleikum að Dynbergi og Vallhallarsviði.

Hægt er að keyra inn að Haki og rútur geta keyrt niður á Flosaplan (P4) til að sækja farþega, ef vilji er til, fram til klukkan 15:00. Ef gestir eru sóttir við Flosagjá/Peningagjá verður að aka meðfram Þingvallavatni í einstefnu til austurs út úr þjóðgarðinum. Einnig er hægt að bíða á bílastæðinu við Hakið á meðan gestir njóta Þingvalla og aka að því loknu burt.

Frekari upplýsingar má finna hér.

Silfra

Gestir í Silfru leggja við Nyrðri-Leirar og fá rútuskutl niður að Silfru.

Af öryggisástæðum, í samráði við lögreglu og öryggisráð Bergmáls, hefur Þingvallanefnd í samræmi við 2. mgr. 7. gr. laganna um þjóðgarðinn tekið ákvörðun um að öll umferð báta og annarra farartækja skuli bönnuð á Þingvallavatni innan þjóðgarðsins, frá kl. 08:00 þann 20.júní til miðnættis 20. júní.   

Hvorki er hægt né heimilt að koma ríðandi á hátíðarsvæðið. Leiðum að hátíðarsvæðinu, sem almennt eru nýttar sem reiðleiðir, verður lokað. Hestamenn geta riðið til Skógarhóla, áningarstað Landssamband hestamanna, í samráði við staðarhaldara í Skógarhólum eftir því sem beit og pláss leyfir.

Tjaldstæði þjóðgarðsins á Þingvöllum verða lokuð dagana 19. og 20. júní. Ekki verður hægt að bóka gistingu þessa daga á neinu tjaldstæðanna á Þingvöllum. Munu þau nýtast sem bílastæði hátíðisdagana. 

Veiðistaðir innan þjóðgarðs verða flestir lokaðir þar sem lokað verður fyrir umferð annara en rútna og viðburðarhaldara eftir Vallavegi (361). Hægt verður að komast á veiðistaði í Arnarfelli en gott er að huga að takmörkun umferðar á vegi 36 eftir klukkan 15:00.