Fjallshorn er nafn á suðurenda Arnarfells, austan Sláttulágar. Langatangagjár hverfa inn í Fjallshornið og mynda þar misgengi og klettabelti.
Fjallshorn í frumheimildum
Kristján Jóhannsson frá Skógarkoti, síðar bóndi á Gjábakka og Mjóanesi, segir svo í örnefnaskrá Arnarfells frá 1982:
„[Norðan Sauðasteina] er nokkuð áberandi hóll, sem vestari [Langatangagjáin] gengur gegnum. Hann heitir Klofhóll (6). Þaðan er lág klettaströnd upp að Fjallshorni (7), en það er suðurendi Arnarfells (8). Við Fjallshornið er Klif (9) niður í víkina, sem gengur upp undir Fjallshornið. Hún heitir Sláttulág (10).“