Í, júlí og ágúst verður boðið upp á göngur með landverði á Þingvöllum 

Göngurnar fara ýmist inn að gömlu hraunbýlunum í sigdalnum, meðfram strandlengju Þingvallavatns eða fleiri staði innan þjóðgarðs. 

Göngurnar hefjast klukkan 14:00 og eru allajafna í um 3-4 klukkustundir. Gott er að vera vel útbúin nesti og drykkjarvatni. Göngurnar sem verða auglýstar betur þegar kemur að hverri og einni eru ókeypis.

5. júlí - Fell, flóra og firnindi -  Arnarfell 
Gengið verður upp að Arnarfelli sem er ílangur móbergshryggur austarlega í þjóðgarðinum. Gangan er öllum opin og ókeypis og hefst klukkan 14:00. Gott er að mæta vel skóaður og með göngunesti.

Fimmtudagskvöldin verða fróðleg í sumar sem endranær. Öll byrja þau klukkan 20:00 frá gestastofu á Haki. Viðburðirnir eru öllum opnir og ókeypis.

25. júní - Guðni Ágústsson minnist Jóns Sigurðssonar forseta og frelsishetju 
               Fyrsta fimmtudagskvöld sumarsins verður leitt af Guðna Ágústssyni fyrrverandi                   alþingismanni og ráðherra.

2. júlí - Rústir Alþingis 

            Gunnar Grímsson fornleifafræðingur og landvörður segir sögu alþingis út frá nokkrum fornleifum sem leynast á völlunum, gefa fólki tilfinningu fyrir rústunum og varpa ljósi á þær sem sagnabrunn og auðlind. 

9. júlí Þingvellir í þúsund ár

          Jón Kristjánsson höfundur bókarinnar "Þingvellir í 1000 ár" hefur lestur við                            gestastofuna á Haki.  Bjarni Harðason bóksali mun síðan leiða gesti um þingstaðinn            forna og les upp úr bók Jóns.

16. júlí Ísland í nýjum heimi! 

            Margrét Gunnarsdóttir ræðir gildi Alþingis og fornrar lýðveldisstjórnskipunar er                      Bandaríkin voru stofnuð

Alla sunnudaga í júlí milli 14:00 - 16:00 verður boðið upp á fornleifaskóla barnanna.