Leynir
Leynir er örnefni á Sjónarhóli innan í túninu í Skógarkoti. Engin skýring fylgir nafninu, en vel má vera að átt sé við litla dæld við rætur hólsins skammt frá suðvesturhorni túngarðsins.
Annað örnefni með sama nafni má finna í landi Arnarfells.
Leynir í frumheimildum
Pétur J. Jóhannsson frá Skógarkoti, síðar bóndi á Gjábakka og Mjóanesi, merkti Leyni inn á útprentaða loftmynd á 9. áratug síðustu aldar við núverandi staðsetningu.