Gráuklettar (Skógarkot)

Gráuklettar eru grámosaklæddir smáhólar framan við túnið í Skógarkoti, skammt fyrir sunnan Gerði og mitt á milli Veiðigötu og Gjábakkavegar.

Annað örnefni með sama nafni má finna fyrir austan Hrauntún.

Ásgeir Jónasson frá Hrauntúni segir svo í grein sinni Örnefni í Þingvallahrauni í Árbók Hins íslenzka fornleifafélags 1937–1939:

„Rjett fyrir ofan Hrútabrekkur er brött klöpp í veginum, sem heitir Pelahella (133). Vestur-af henni, austan Veiðigötu, eru smáhólar, sem heita Gráuklettar (134).“

Kristján Jóhannsson frá Skógarkoti, síðar bóndi á Gjábakka og Mjóanesi, svarar spurningalista (í kringum 1980–1984) sem starfsfólk Örnefnastofnunar samdi upp úr örnefnalýsingu Ásgeirs Jónassonar:

„55. Hvernig eru Gráuklettar? Komnir í gróður. Mosavaxnir.“

Pétur J. Jóhannsson frá Skógarkoti, síðar bóndi á Gjábakka og Mjóanesi, merkti Gráukletta inn á útprentaða loftmynd á 9. áratug síðustu aldar við núverandi staðsetningu.

Ásgeir Jónasson. (1939). Örnefni í Þingvallahrauni. Árbók Hins íslenzka fornleifafélags 1937-1939, 147–161.

Kristján Jóhannsson. (e.d.). Örnefni í Þingvallahrauni. Svör við spurningum [Óbirt efni]. Örnefnastofnun Íslands/Þjóðgarðurinn á Þingvöllum.

Pétur J. Jóhannsson. (e.d.). Þingvallaþankar og lýsing eyðibýla. Örnefnastofnun Íslands.

1. Gjábakkavegur
2. Skógarkot
3. Veiðigata