Þórhallastaðir

Þórhallastaðir (eða Þórhallsstaðir) er eyðibýli í Þingvallahrauni, um miðja vegu á milli Almannagjár og Hrafnagjár og um 500 metrum austan Skógarkots.

Samkvæmt Ölkofra þætti bjó Þórhallur nokkur á Þórhallastöðum í Bláskógum í öndverðu. Hann var uppnefndur Ölkofri eftir höfuðfati sem hann bar jafnan á þingum. Þórhallur bruggaði öl fyrir þingheim en sagan segir að hann hafi sofnað við kolagerð og brennt skóg nokkurra goða sem þeir höfðu keypt til nytja á þingi. Ölkofra þáttur rekur þrautagöngu Ölkofra við að leita sátta við goðana.